Eenvoudige lekker hoenderpastei

hoenderpastei

 

Hoenderpastei . . . maklik en geurig

2kg hoenderstukke
2 pak Ready Doe (Puff Pastry)
2 groot uie
2 hoenderekstrakblokkie
2 pakkie hoenderroomsop
2 blikkie gemengde groente
500g sampioene (as jy wil)

Kook hoender, ekstrakblokkie en uie saam tot hoender van been af val. Hou ± 2k sous oor. Braai sampioene in bietjie olie en voeg by hoendermengsel tesame met hoenderroomsop. (Meng dit net so droog (poeier) by. Indien nodig, geur met nog sout en peper.

Voorverhit oond by 180 grade. Verdeel Ready Doe in twee gelyke dele, druk een gedeelte in oondskottel en bak (blind) tot gaar. Voeg dan hoendermengsel by en sit res van deeg oor. Druk vas en smeer met eiergeel en bak vir 30-40 min tot kors bo-op gaar en bruin is.

 

 

Maklike Melktert

melktert
MAKLIKE MELKTERT
Hierdie resep is al vir bykans 30jr in ons familie. Het dit hoeka die naweek gemaak. Jy moet sukkel om dit geklont te kry!! (“,)

1 liter melk
2 tlp vanilla
1 eetl margarien
1 k suiker
Knypie sout

Bring tot kookpunt.

3 eetl mazeina
3 eetl meel
3 eiergele (hou eierwitte eenkant)

Meng en gooi by gekookte melk.
Roer vinnig tot dit dik is, draai plaat stadig.
Klits 3 eierwitte styf en voeg by mengsel. Baie belangrik, dit maak dit vulsel “lig en romerig”.
Skep in voorafgebakte tertdeeg, ek pak sommer tennisbeskuitjies in bak of maak dit fyn, eie keuse en voeg melktertmengsel stadig daarop.
Strooi bietjie kaneel bo-oor.
Sit in yskas om te stol.