Op soek na inligting op die internet kom ek af op ‘n webtuiste genaamd askmen.com en kon nie die versoeking weerstaan om te loer nie. Daar is allerhande hulpbronne vir mans en ek dog dit is net ons vroue wat behoefte het om haarself te verryk en te verbeter.
“9 Belangrike dinge wat jy kan leer as jy ‘n nagklub besoek” – en dit gaan nie oor dames, drank en dans nie en “Is dit werklik nodig dat mans sover as afskilfering gaan?” is ‘n paar van die artikels wat die mans deesdae oor lees, praat en koukus.
askmen.com voel dat as jy gedink het bier en rugbywedstryde bind mans, slaan jy die bal ver mis. Dit is die eendersheid van die vroue in hul lewe wat hulle bind. Stem jy saam met die mans?
1 BADKAMER
Potpourri, badsout, lyfskrop en geparfumeerde kerse is ‘n nee-nee! Shea-botter en pepperment voetskrop is dinge wat die water eko-sisteem probleme gee. Gee mans ‘n tandeborsel en seep – wat meer het hulle nodig?
2 WINKELS
Vandag se mans gee nie om om in winkels rond te hang nie, maar om hom saam te sleep van een winkel na die ander vir ingeval daar dalk iets is wat haar sal pas is dalk te veel gevra. Veral as sy vir hom vra of die betokke kledingstuk haar nie vetter laat lyk nie.
3 GESELS
Mans voel vroue praat aanmekaar en dan moet hulle (mans) nog op alles antwoord. Kan vroue nie ophou om op die mees onmoontlikste tye vrae te vra of te gesels nie, veral as daar ‘n belangrike sportwedstryd of ‘n interessante dokumentêr op History Channel is?
4 SLAAPSTORIES
Niks maak haar meer gelukkig as die vooruitsig van ‘n romantiese aand in die bed nie. Met al haar gevroetel en gekoester na die sessie beroof sy jou van ‘n rustige nagrus en boonop lyk die vroue boonop asof hulle gloei as hulle ontwaak!
5 TRANE
Mans verkies om nie te huil nie, nie oor ‘n gebreekte been of oor die DSTV-
skottel wat die gees gegee het nie. Ongelukkig lyk dit asof vroue iets weet wat die mans nie weet nie, en dit is dat ‘n goeie huilsessie jou beter laat voel. Dis amper soos ‘n verslawing vir die vroue