Nes hulle daar se . . . ‘n boer maak ‘n plan. Maar ‘n huisvrou voer dit uit. Het jy dag-oud rolletjies in die blik? Hol rolleltjies uit, vul met stukkies gaar gekapte spekvleis of ham of gaar oorskietwors, snipper ‘n bietjie tamatjies by, knyp kaas tussen vingers en gooi in rolletjie. Breek ‘n eier bo-op en bak tot eier gestol het.
Ek dink aan moerkoffie as ek hierdie brekfis-rolletjies sien.
Geniet!
Bron : Internet
Soms . . . net soms wil ek ‘n vloermoer gooi. Raak dinge vir my te veel. Maak nie saak hoe hard ek probeer nie, daar sal altyd iets gebeur wat vir Katryn uit die kôt gooi.
Vandag was weer so ‘n dag. Alles het volgens plan verloop, ek het ‘n klomp dinge afgehandel, dit het vir my gevoel ek maak vordering, ek sien weer lig in die tonnel. Min wetend dat dit die TransKaroo is wat van vooraf oppad is iewers heen.
Net een klein dingetjie en my gemoed verander drasties. Lê ek op my bed, die Donderdag blues het my lyf oorgeneem en ek het nie eers flippen roomys om my beter te laat voel nie. Ek het gisteraand sleg geslaap – dalk sou ek dan anders gereageer het as ek uitgerus was.
Hoe hanteer jy hindernisse in jou lewe? Oor die algemeen sien ek dit vir wat dit is, raak. Vandag sien ek nét die hindernis raak. Vanaand gaan ek vroeg slaap.
Dalk lyk dinge more beter in die daglig. Dalk kan ek bietjie buite die boks dink!