Om stil te bly en die minste te wees beteken nie jy is swak nie. Dit verg moed en krag. En dit is ook nie die moeite werd om so kwaad te raak nie. Dit is net JOU eie gesondheid wat daaronder ly.|
Source : Internet
Nes hulle daar se . . . ‘n boer maak ‘n plan. Maar ‘n huisvrou voer dit uit. Het jy dag-oud rolletjies in die blik? Hol rolleltjies uit, vul met stukkies gaar gekapte spekvleis of ham of gaar oorskietwors, snipper ‘n bietjie tamatjies by, knyp kaas tussen vingers en gooi in rolletjie. Breek ‘n eier bo-op en bak tot eier gestol het.
Ek dink aan moerkoffie as ek hierdie brekfis-rolletjies sien.
Geniet!
Bron : Internet
Dit het ek die afgelope week weer beleef. Nood is ‘n goeie sif . . . skei die mooiweersvriende van die daadwerklike vriende. Dankbaar dat daar sulkes is.
Aan julle . . . julle weet wie julle is . . . woorde is min, maar ons harte loop oor.
Dis nie altyd so maklik nie. Die mens se natuur wil hoofrol speel. As ons te nagekom word, wil ons terugveg. Soms is ons vinniger met die mond as met die verstand.
Ek is gewoonlik heeltemal verstom wanneer iemand my verbaal aanval, veral as ek heeltemal onskuldig is. Ek bly stil. Nie uit eie keuse nie, ek is letterlik stom want op daardie oomblik gaan daar honderd dinge tegelyk deur my kop. Agterna dan dink ek, ek was dom, ek moes dit vir haar/hom gese het of ek moes dit gedoen het. Maar altyd te laat met die goeie raad aan myself.
Eendag noem ek dit aan ‘n vriend (was ons predikant) dat ek soms wens ek kan dadelik terugbaklei want die ander persoon dink hy/sy het die oorhand. Se hy vir my toe die volgende. “Onthou, jou swakste eienskap is gewoonlik ook jou sterktste eienskap”. Het my ‘n rukkie geneem om dit heeltemal te begryp. Maar dit is waar. As ek moes onmiddellik terugbaklei het, sou die situasies seker heelwat slegter afgeloop het.
Ek gaan nie jok nie, maar soms, net soms wens ek ek was bietjie vinniger . . . .